पहाड़़ी महासु

पहाड़ी महासु क्षेत्र भारत देशौ रै हिमाचल प्रदेश री बीच़ौ दौ दीयै पौड़णैंआळो पाड़ी क्षेत्र अ। ऐ हौद च़ौज़ौ रे ज़ागा अ तौंई  औलग-औलग रवाज़ौ, खाणैं-पीणैं, बाणैं, पौरबौ, तौंई बोली औणैं री बौज़ै दौ ऐ हौद मशूर तौंई तरौक्की आळा क्षेत्र अ। औरै पेड़ौ तौंई डाळी, पाड़ौ, घाळै, नौऔटौ तौंई गांओ री बौज़ै दौ ऐ हौद मशूर क्षेत्र अ। पहाड़ी महासू क्षेत्र हौद बौख्तौ दौ बेगै मैनते कौरणैं, माछौ साथै पाक्कै रिश्तै टैंयै दौ राखणैं तौंई बौक्ती साथै दार्मिक रीति-रवाज़ौ मानणैं आळे ज़ागा रौए अ। पहाड़ी महासू क्षेत्रौ रै माछौ “पाड़ी माछ” बोल जाई, तौंई इथौरै माछौ रा काम-धांधा खासकौरयौ जिंमीदारै रा अ तौंई इथौरै माछौ भीटका सृष्टि री हौद ज़ादा प्यार-इज़ौत अ। इथौरै माछ आपणैं गांऔ रै माछौ साथ मिलयौ रौअ तौंई एकी-दुज़ै रे मौदत कौरौ। एज़ै क्षेत्रौ रे एक खास सांस्कृतिक पछाणं अ, तौंई ऐ पछाणं पाड़ी भाषै, पाड़ी गाज़ै-बाज़ै, पौरबौ तौंई रीति-रवाज़ै पां धीशौ। इतिहासौ रै साबै पहाड़ी महासू क्षेत्र गाऐ भांति-भांति रै दार्मिक रीति-रवाज़ौ तौंई समाजिक आंदोलनौ रा हौद औसर पौड़ा अ। बौख्तौ रै बीतदै-बीतदै एज़ै क्षेत्रौ दी शिक्षै, सेवै-सुविधै तौंई नौई-नौई तरौक्की आज़ी अ। ऐईंरी बौज़ै दौ इथौरै माछौ आपणैं रीति-रवाज़ौ साबंयौ राखणैं तौंई तरौक्की कौरणैं दे हौद मौदद मिले अ।