Pahari Mahasu 

ऐ कताब हामौं हामौरी भाषा लिखणैं तौंई पौड़नैं री तैंईक शुरू दो औंतों आच्छैं तरिकैं दैं लिखणैं रे तिकैं री कताब ओसो। ऐज़ी कताबों दे आखौरों रा शुरूआत ऐज़ी भाषा जानणैं आळैं तौंई ईथैं रे समुदायैं रे माछों रे मौदतैं पाँ कार्यशाळैं दे टैं ओअ, जिनौरों नाओं ऐज़ी कताबों दों बी देयैं हौन्दों ओअ।
ऐ कताब पौलकि बौईं भाषैं रे निओमों (आखरों लिखणैं रे तरिकैं), एक टैयैं हौन्दैं आखरों रा तरिका, काणैं रे उदारहण तौंई एक पूरी श्बदावळी दैयें दे ओअ, जैंईयैं भाषा पौड़नैं तौंई लिखणैं रा काम सान टैईंओं ।
हामैं ऐ कताब बिना गौलतैं आळैं टैओंणैं री पूरे कौशिष कौरैं ओअ, तों बी कींयैं गौलती रॊओं सोको। ऐंईरीतैंइक हामैं तुमौदों ओरोज़ कौरू कि तुमैं हामौक आपणैं सुज़ाओं दैओं, जैंईयैं हामैं ऐ गौलतीं सूदार सौकू तौंई घांऊक हांमैं ऐं कताबों रा आखरी काम छ़ापओं पैश़ कौर सौकू।